ਨਵਾਂ ਸਾਲ -ਡਾ. ਸਾਥੀ ਲੁਧਿਆਣਵੀ
ਹੌਲ਼ੀ ਹੌਲੀ ਦੇਖ਼ੋ ਨਵਾਂ ਸਾਲ ਆ ਗਿਆ।
ਇੰਝ ਲੱਗੇ ਜਿਵੇਂ ਨਵਾਂ ਬਾਲ ਆ ਗਿਆ।
ਨਵਾਂ ਸਾਲ ਕੀ ਕੀ ਰੰਗ ਲੈ ਕੇ ਆਵੇਗਾ,
ਸਾਡੇ ਸਾਹਵੇਂ ਅੱਜ ਇਹ ਸਵਾਲ ਆ ਗਿਆ।
ਸਾਡੇ ਸਾਹਵੇਂ ਅੱਜ ਇਹ ਸਵਾਲ ਆ ਗਿਆ।
ਠੰਡੀ ਠੰਡੀ ਰੁੱਤ 'ਤੇ ਪਿਆਰਾਂ ਦਾ ਮਾਹੌਲ,
ਪੌਣਾ ਵਿਚ ਘੁਲ਼ ਕੇ ਗੁਲਾਲ ਆ ਗਿਆ।
ਪੌਣਾ ਵਿਚ ਘੁਲ਼ ਕੇ ਗੁਲਾਲ ਆ ਗਿਆ।
ਢੋਲ ਉੱਤੇ ਡਗਾ ਜਦੋਂ ਢੋਲੀ ਮਾਰਿਆ,
ਭੰਗੜੇ ਤੇ ਗਿੱਧੇ ਦਾ ਭੁਚਾਲ ਆ ਗਿਆ।
ਭੰਗੜੇ ਤੇ ਗਿੱਧੇ ਦਾ ਭੁਚਾਲ ਆ ਗਿਆ।
ਦਾਰੂ ਦੀਆਂ ਖ਼ੁੱਲੀਆਂ ਵਲੈਤੀ ਬੋਤਲਾਂ,
ਦੇਸੀ ਜੱਟ ਪਾਉਂਦਾ ਹੈ ਧਮਾਲ ਆ ਗਿਆ।
ਦੇਸੀ ਜੱਟ ਪਾਉਂਦਾ ਹੈ ਧਮਾਲ ਆ ਗਿਆ।
ਜਿਹੜੇ ਲੋਕੀਂ ਦੁਖ਼ੀ ਅਤੇ ਗ਼ਮਜ਼ਦਾ ਨੇ,
ਉਨ੍ਹਾਂ ਦਾ ਵੀ ਸਾਨੂੰ ਹੈ ਖ਼ਿਆਲ ਆ ਗਿਆ।
ਉਨ੍ਹਾਂ ਦਾ ਵੀ ਸਾਨੂੰ ਹੈ ਖ਼ਿਆਲ ਆ ਗਿਆ।
ਛੰਮ ਛੰਮ ਰੋਣ ਲੱਗ ਪਈਆਂ ਅੱਖ਼ੀਆਂ,
ਬੈਠੇ ਬੈਠੇ ਕਿਸੇ ਦਾ ਖ਼ਿਆਲ ਆ ਗਿਆ।
ਬੈਠੇ ਬੈਠੇ ਕਿਸੇ ਦਾ ਖ਼ਿਆਲ ਆ ਗਿਆ।
ਯਾਰਾਂ ਮਿੱਤਰਾਂ ਨੇ ਭੇਜੇ ਤੋਹਫ਼ੇ ਨੇ ਹਜ਼ਾਰ,
ਸੱਜਣਾ ਦਾ ਭੇਜਿਆ ਰੁਮਾਲ ਆ ਗਿਆ।
ਸੱਜਣਾ ਦਾ ਭੇਜਿਆ ਰੁਮਾਲ ਆ ਗਿਆ।
ਵਾਈਟ ਹਾਊਸ ਵਿਚ ਹੈ ਓਬਾਮਾ ਆ ਗਿਆ,
ਲੋਕੀਂ ਕਹਿਣ ਹੁਣ ਨਵਾਂ ਕਾਲ ਆ ਗਿਆ।
ਲੋਕੀਂ ਕਹਿਣ ਹੁਣ ਨਵਾਂ ਕਾਲ ਆ ਗਿਆ।
ਹੱਸਦੇ ਤੇ ਗਾਉਂਦੇ ਕੱਠੇ ਗੋਰੇ ਕਾਲ਼ੇ ਨੇ,
ਇਨ੍ਹਾਂ ਵਿਚ ਕਿੰਨਾ ਸੁਰਤਾਲ ਆ ਗਿਆ।
ਇਨ੍ਹਾਂ ਵਿਚ ਕਿੰਨਾ ਸੁਰਤਾਲ ਆ ਗਿਆ।
ਗੱਡ ਬਾਈ ਕਹੀ ਅਸੀਂ ਬੀਤੇ ਸਾਲ ਨੂੰ,
ਚੰਗੇ ਬੀਤੇ ਪਲਾਂ ਦਾ ਮਲਾਲ ਆ ਗਿਆ।
ਚੰਗੇ ਬੀਤੇ ਪਲਾਂ ਦਾ ਮਲਾਲ ਆ ਗਿਆ।
ਨਵਾਂ ਸਾਲ "ਸਾਥੀ" ਲੈਕੇ ਆਊ ਸੁੱਖ਼ ਸਾਂਦ,
ਲੈਕੇ ਇਹ ਸੁਨੇਹਾ ਨਵਾਂ ਸਾਲ ਆ ਗਿਆ।
ਲੈਕੇ ਇਹ ਸੁਨੇਹਾ ਨਵਾਂ ਸਾਲ ਆ ਗਿਆ।
................
No comments:
Post a Comment