ਗ਼ਜ਼ਲ -ਹਰਦੇਵ ਗਰੇਵਾਲ
ਨਾ ਹੋਵੇ ਜ਼ਰਾ ਵੀ ਮਿਰਾ ਠਹਿਰ ਹੋਰ
ਮਿਰੇ ਲਈ ਤਲਾਸ਼ੋ ਕੋਈ ਸ਼ਹਿਰ ਹੋਰ
ਬੜਾ ਕੁਝ ਰਿਹਾ ਜੇ ਅਧੂਰਾ ਹੁਜ਼ੂਰ!
ਚਲੋ ਫਿਰ ਤਲਾਸ਼ੋ ਕੋਈ ਬਹਿਰ ਹੋਰ
ਨਾ ਸ਼ੀਰੀਂ ਮਿਲੀ ਹੈ ਨਾ ਮਿਲਣੇ ਦੀ ਆਸ
ਹਾਂ,ਕੱਢਣੀ ਤਾਂ ਕੱਢ ਲੈ ਕੋਈ ਨਹਿਰ ਹੋਰ
ਹਨੇਰੇ ਦੀ ਠੋਕਰ ਦੀ ਬਹੁਤੀ ਜੇ ਲੋੜ
ਖਲੋ ਜਉ ਕਿ ਢਲ਼ ਜਏ ਕੋਈ ਪਹਿਰ ਹੋਰ
ਮੁਹੱਬਤ ਤੁਹਾਡੀ ਤਾਂ ਵੇਖੀ ਹੁਜ਼ੂਰ!
ਰਿਹਾ ਜੋ ਵੀ ਢਾਹ ਲਓ ਕੋਈ ਕਹਿਰ ਹੋਰ
ਦਹੀਂ ਦੁੱਧ ਨਾ ਰੋਟੀ ਨਾ ਸਬਜ਼ੀ ਹੀ ਖਾਣ
ਬਣਾਓ ਜੁਆਕਾਂ ਲਈ ਜ਼ਹਿਰ ਹੋਰ
ਸਮੁੰਦਰ 'ਚ ਬੇੜੀ ਨਾ 'ਹਰਦੇਵ' ਠੇਲ੍ਹ
ਟੱਕਰੋਂ ਨਾ ਬਾਕੀ ਰਹੀ ਲਹਿਰ ਹੋਰ
...................
...................
No comments:
Post a Comment